Vir hierdie geurige ribbetjies het ons die salsa opgekikker met nektariens.
Genoeg vir 4 mense
Bereiding: 10 min.
Marineer: 30 min.
Gaarmaak: 60-90 min.
800 g varkribbetjie
60 ml (¼ k) soet brandrissiesous
60 ml (¼ k) sojasous
30 ml (2 e) worcestersous
30 ml (2 e) heuning
15 ml (1 e) sesamsaadjies
SALSA
2 nektariens, in blokkies gesny
1 rooi ui, gekap
1 avokado, in blokkies gesny
45 ml (3 e) gekapte koljanderblare
15 ml (1 e) suurlemoensap
Voorverhit die oond tot 180 °C. Spuit ’n draadrakkie met kossproei en sit op ’n bakplaat.
- Sit die ribbetjie in ’n oondbak. Meng die soetrissiesous, sojasous en worcestersous en smeer oor die ribbetjie. Marineer minstens ’n halfuur.
- Giet 125 ml (½ k) water by die ribbetjie, bedek met foelie en rooster 45 min.
- Haal die foelie af en sit op die bereide draadrakkie. Smeer die orige sous in die bak oor die ribbetjie. Giet die heuning oor die ribbetjie en sprinkel die sesamsaadjies oor. Rooster nog 15-20 min en sny in stukkies.
- SALSA Meng al die bestanddele en sit voor saam met die ribbetjie.
Deur Hope Malau
Foto: Misha Jordaan