Maak jou dag warm met hierdie eenpotwonder. Geniet dit vleisloos of roer saggekookte beesvleis in.
Genoeg vir 6
Bereiding: 10 min.
Gaarmaak: 1 uur
1 ui, gekap
2 selderystele, gekap
30 ml (2 e) olyfolie
15 ml (1 e) harissa-pasta
5 ml (1 t) fyn kaneel
5 ml (1 t) fyn gemmer
5 ml (1 t) paprika
5 ml (1 t) bruinsuiker
410 g gekapte tamaties
500 ml (2 k) groenteaftreksel
125 ml (½ k) rys, ongekook
400 g kekerertjies, gedreineer
400 g lensies, gedreineer
400 g botterbone, gedreineer
’n hand vol pietersielie, gekap
’n hand vol koljander, gekap
sout en peper na smaak
- Soteer die ui en seldery in die olyfolie in ’n groot pot. Voeg die speserye, suiker, tamaties, aftreksel en rys by, en kook 20 min. of tot die rys sag en gaar is.
- Voeg die keker-ertjies, lensies en bone by en bring tot kookpunt. Verminder die hitte en laat 40 min. prut.
- Roer die pietersielie, koljander en geursel in.
Deur Hope Malau
Foto: Megan Miller