Veral bierliefhebbers sal hierdie hemelse swartbiersjokolade-lekkerny geniet.
Genoeg vir 6
Bereiding: 15 min.
Gaarmaak: 30 min.
Vries: 2 uur
250 g botter
750 ml (3 k) strooisuiker
2 eiers
5 ml (1 t) vanieljegeursel
125 ml (½ k) kakaopoeier
375 ml (1½ k) meel
10 ml (2 t) koeksoda
250 ml (1 k) swartbier
125 ml (½ k) gewone jogurt
SWARTBIERROOMYS
125 ml (½ k) rosyne
80 ml (⅓ k) swartbier
500 ml (2 k) vanieljeroomys
Voorverhit die oond tot 180 °C. Smeer ’n 20 cm-koekpan.
- Swartbierroomys Marineer die rosyne minstens 1 uur in die bier in ’n bakkie. Plaas die roomys in ’n verwerker en verwerk tot sag. Roer die rosyne en swartbier by die roomys in en sit 2 uur terug in die yskas of tot gevries.
- Verroom die botter, strooisuiker en eiers saam met die vanieljegeursel. Sif die droë bestanddele en meng by die strooisuikermengsel in. Voeg dan die swartbier en jogurt by.
- Giet die beslag in die koekpan en bak 30 min. of tot ferm aan die kante. Sit voor saam met die swartbierroomys.
Deur Hope Malau
Foto: Megan Miller