Die beskuit word sonder koringmeel maar met koringsemel gemaak vir ekstra growwigheid.
Maak sowat 40 beskuite
Bereiding: 10 min.
Bak: 45-60 min.
Uitdroog: 2-3 uur.
500 ml (2 k) sonneblommeel (maal sonneblompitte in die voedselverwerker fyn)
7 ml (1½ t) koeksoda
7 ml (ruim 1½ t) bakpoeier
5 ml (1 t) elk fyn kaneel en gemmer (opsioneel)
5 ml (1 t) sout
375 ml (1½ k) semels
125 ml (½ k) klapper
45 ml (3 e) psilliumvesel
125 ml (½ k) gekapte pekanneute
180 ml (¾ k) elk sonneblom- en pampoenpitte
250 ml (1 k) sultanas of rosyne , bosbessies of fyn gekapte dadels
80-125 ml (⅓-½ k) heuning (verkieslik rou)
2 eiers, geklits
250 ml (1 k) natuurlike jogurt of karringmelk
80 ml (⅓ k) gesmelte botter
325 ml (1⅓ k) water
ekstra pitte vir oorsprinkel (opsioneel)
Voorverhit die oond tot 180 °C. Bespuit 1 groot bakplaat met kossproei.
- Meng die meel, koeksoda, bakpoeier, speserye (indien gebruik) en sout.
- Voeg die semels, klapper, psilliumvesel, neute, pitte en droëvrugte by.
- Klits die heuning, eiers, jogurt, botter en water saam.
- Voeg die watermengsel by die droë bestanddele en meng goed.
- Skep in die bereide bakplaat en maak gelyk. Sprinkel die ekstra pitte oor (indien gebruik) en druk goed vas.
- Bak 45-60 min. of tot goudbruin en gaar.
- Sny in stukke en droog 2-3 uur by 100 °C uit. Skakel die oond af. Los die beskuit in oond tot heeltemal droog en bros.
Deur Carmen Niehaus
Foto’s: Misha Jordaan